Уга Чавес напалохаў венесуэльцаў грамадзянскай вайной
Прэзідэнт краіны ўпэўнены, што яна наступіць, калі яго не пераабяруць зноў.
На думку Чавеса, калі кандыдат ад правых сіл стане кіраўніком Венесуэлы, гэта пакладзе канец сацыяльным рэформам, якія праводзіліся ў краіне цягам 14 год. У выніку і наступіць грамадзянская вайна. Пра гэта Чавес заявіў у часе сустрэчы з выбаршчыкамі ў штаце Ансаатэгі на паўночным усходзе Венесуэлы, перадае РИА Новости.
У гэтай лацінаамерыканскай краіне 1 ліпеня афіцыйна пачалася прэзідэнцкая кампанія, у рамках якой Уга Чавес плануе наведаць шэраг штатаў. Галасаванне павінна прайсці 7 кастрычніка. У выбарах удзельнічаюць некалькі кандыдатаў, але толькі Чавес і адзіны лідар апазіцыі Энрыке Капрылес маюць рэальныя шансы на перамогу. Паводле апытанняў грамадскай думкі, Чавес апераджае свайго саперніка ў сімпатыях выбаршчыкаў і мае болей шансаў на пераабранне ў трэці раз запар.
