Украінскае піва вернецца ў Беларусь ужо ў траўні
Пра гэта заявіў міністр эканамічнага развіцця і гандлю Украіны Пётр Парашэнка на сустрэчы з калектывам заводу "Абалонь".
Як паведамляе УНІАН, міністр нагадаў, што Беларусь адмяніла абмежаванне доступу ўкраінскіх піва на рынак краіны.
Прэзідэнт акцыянернага таварыства "Абалонь" Аляксандр Слабадзян адзначыў, што гэта вельмі важна не толькі для карпарацыі, але і для эканомікі Украіны ў цэлым. Па яго словах, да абмежаванняў прамыя пастаўкі піва на рынак Беларусі складалі больш за 7%, а летась гэты паказчык склаў меш за 2%. Ён выказаў перакананне, што з часам украінскія півавары адновяць згубленыя пазіцыі на вонкавым рынку.
Фота — n1.by
