Васіля Парфянкова асудзілі на 4 гады зняволення
Такі прысуд вынес Фрунзенскі суд Мінска. Пракурор патрабаваў для Парфянкова шасці гадоў зняволення, адвакат — поўнага апраўдання.
Такім чынам, суддзя Вольга Комар пагадзілася з довадамі абвінавачвання, што віна Парфянкова ў судовым следстве была даказаная, ён з'яўляецца вінаватым у крымінальным злачынстве, прадугледжаным часткай 2 артыкула 293 Крымінальнага кодэкса Беларусі (удзел у масавых беспарадках).
