Віцебская публіка ледзь не асвістала тэатр з Санкт-Пецярбурга
3-4 снежня на сцэне драмтэатру імя Якуба Коласа ў Віцебску праходзілі гастролі санкт-пецярбургскага тэатра “Спакуса”.
У спектаклях гэтага тэатра занятыя мужчыны, пераважна гэта артысты балета. Калектыў ужо тройчы станавіўся лаўрэатам прэміі “Найлепшыя праекты Расіі”. Сваю праграму пад назвай “Прызнанне ў каханні” расіяне паказвалі, выйшаўшы на сцэну ў адной ніжняй бялізне.
Такая эстэтыка аказалася незразумелай мясцовым гледачам, сведчыць сайт “Народныя навіны Віцебска”. З тэатру публіка сыходзіла вельмі хутка, развітваючыся з артыстамі сухім плясканнем у ладкі.
