Віцябляне не паведамлялі ў міліцыю пра выбух у сваім пад'ездзе
Гэта распавялі сведкі сёння ў судзе над Канавалавым і Кавалёвым.
Міліцыя звярнулася да жыхароў пад'езда, дзе адбыўся адзін з выбухаў, згаданых у справе Канавалава і Кавалёва, толькі пасля тэракту 11 красавіка. Самі жыхары пра гэты інцыдэнт у міліцыю не паведамлялі, перадае БЕЛТА.
Па словах віцяблянаў, пры выбуху на пачатку 2000-х у пад'ездзе не было ні крыкаў, ні пажару. Як адзначыла адна з жанчын, усе вырашылі, што гэта выхадкі дзяцей. Іншая жыхарка пад'езду распавяла, што былі два выпадкі: першы раз — пажар, а праз два гады — выбух. Яна таксама пацвердзіла, што міліцыя даведалася пра выпадкі ў пад'ездзе толькі ў 2011 годзе, бо жыхары не паведамлялі пра інцыдэнты.
