Вольга Гаварцова выйшла ў другі круг "Ралан Гарос"
23 траўня беларуская спартоўка, якая пераадолела тры кругі кваліфікацыі, выйграла ў Агнеш Саваі з Венгрыі — 6:4, 4:6, 6:4.
Наступнай саперніцай нашай тэнісісткі будзе 11-я ракетка свету францужанка Марыён Барталі, якая перамагла на старце Анну Тацішвілі з Грузіі.
Найвышэйшым дасягненнем Гаварцовай на гэтым турніры "Вялікага шлема" з'яўляецца выхад у трэці раўнд у 2008 і 2009 гадах, нагадвае БелаПАН.
24 траўня ў барацьбу ўступаюць Настасся Якімава, якую чакае сустрэча з бельгійкай Кім Клейстэрс, і Вікторыя Азаранка — яе саперніцай будзе чэшка Андрэа Главачкава.
