Заканчваецца залічэнне першакурснікаў-платнікаў
6 жніўня — апошні дзень залічэння на ўсе платныя аддзяленні ў беларускіх ВНУ другога патоку.
Большасць вышэйшых навучальных установаў ужо вызначыліся з цэнамі на навучанне для платнікаў, якія паступілі на дзённае аддзяленне. У БДУ самымі дарагімі спецыяльнасцямі сталі "правазнаўства" і "эканамічнае права" на юрыдычным факультэце, "міжнароднае права" на факультэце міжнародных адносінаў — амаль 15 мільёнаў рублёў. Самымі таннымі — "беларуская філалогія", "руская філалогія" (па накіраваннях) на філфаку, а таксама "сацыяльная праца" на гуманітарным факультэце — 10 млн 700 тысяч рублёў.
У Беларускім нацыянальным тэхнічным універсітэце кошт навучання для першакурснікаў складае 12 млн 600 тысяч — 12 млн 800 тысяч рублёў.
БЕЛТА нагадвае, што сёлета ў дзяржаўныя і прыватныя ВНУ краіны планавалася прыняць 91600 чалавек (з іх 77300 — у дзяржаўныя), а гэта на 14 тысяч менш, чым было летась.
Фота — bymedia.net
