Затрыманы ў Магілёве актывіст быў збіты?
Старшыню магілёўскай абласной арганізацыі Партыі БНФ Змітра Салаўёва, які быў сёння затрыманы міліцыяй, вазілі ў траўмапункт.
Пра гэта паведамілі магілёўскія праваабаронцы.
Нагадаем, Салаўёва затрымалі на плошчы Зорак каля кінатэатра "Радзіма" разам з грамадскім актывістам Алесем Сілковым і журналістам БелаПАН Уладзімірам Лапцэвічам.
Як апісала затрыманне мужа Салаўёва Надзея, "мужа схапілі за рукі за ногі і проста панеслі".
