Салігорскі "Шахцёр" прайграў на сваім полі брэсцкаму "Дынама"

Адбыўся першы матч 12-га тура чэмпіянату Беларусі па футболе. Футбалісты салігорскага "Шахцёра", якія паспяхова стартавалі ў Кубку Інтэртота (яны перамаглі ў гасцях польскую "Краковію" - 2:1), прайгралі на сваім полі брэсцкаму "Дынама" з лікам 0:2.
Астатнія матчы 12-га тура прайдуць 28 чэрвеня: БАТЭ (Барысаў) - МТЗ-РІПА (Мінск), "Нафтан" (Наваполацк) - "Дынама" (Мінск), "Гомель" - "Днепр" (Магілёў), "Савіт" (Магілёў) - "Лакаматыў" (Мінск), "Смаргонь" - "Віцебск", "Граніт" (Мікашэвічы) - "Дарыда" (Ждановічы), "Нёман" (Гродна) - "Тарпеда" (Жодзіна).

У чэмпіянаце лідыруе БАТЭ - 25 ачкоў, МТЗ-РІПА мае 23 ачкі, у "Віцебска" - 21, у мінскага "Дынама" - 20, у "Шахцёра" і "Тарпеда" - па 17.

БелаПАН