"Самы лепшы фільм" паставіў рэкорд па спадзе збораў

Касавыя зборы кінапраекта тэлеканала ТНТ і Comedy Club "Самы лепшы фільм" знізіліся на другім тыдні пракату на 72 працэнты. Паводле інфармацыі газеты "Ведомости", гэта стала рэкордным падзеннем у гісторыі расійскага кінапракату. Карціна, якая зарабіла ў першы тыдзень пракату 16,4 мільёна долараў, на другім тыдні сабрала толькі 4,5 мільёны.

Паводле меркаванняў экпертаў выдання "Кінабізнэс сёння", спад звязаны выключна з нізкай якасцю карціны.

Акрамя таго, фільм ужо з'явіўся на пірацкіх DVD.

Нагадаю, што "Самы лепшы фільм", у якім зняліся ўдзельнікі забаўляльнага праекту Comedy Club, паставіў рэкорд па зборах за першы ўікэнд у расійскім кінапракаце.

Фота: www.kleo.ru