Сітуацыя на беларуска-польскай мяжы блізкая да нармальнай — Мінтранс

Сітуацыя на беларуска-польскай мяжы практычна нармалізавалася. Чэргі на ўезд у Беларусь ліквідаваныя практычна на ўсіх пунктах пропуску на гродзенскім участку мяжы.
Значна скарацілася чарга на самым праблемным участку — у пункце пропуску "Казловічы" Пра гэта паведамілі ў міністэрстве транспарту і камунікацый Беларусі.

Па словах спецыялістаў, на гродзенскім участку мяжы чарга на ўезд захоўваецца толькі ў пункце пропуску "Бераставіца" — яе даўжыня складае 1 кіламетр. Чарга на выезд адсутнічае. Ліквідаваныя чэргі на ўезд і выезд у пунктах пропуску "Брузгі", "Каменны Лог", "Прывалкі".

“Інтэрфакс”