Следства склала фотаробат чалавека, які забіў касіра "Абсалютбанка"

Следства па справе аб забойстве 21-гадовай касіркі абменнага пункта "Абсолютбанка" усталявала біялагічныя і антрапаметрычныя характарыстыкі злачынца. Пра гэта БелаПАН паведаміў старшы памочнік пракурора горада Сяргей Балашоў. Нагадаем, што злачынства адбылося 10 снежня 2009 года ў сталічным універсаме "Аўтазаводскі". Па словах пракурора, генатып злачынца выяўлены са знойдзенай недалёка ад месца злачынства прылады забойства — нажа.

Усталявана, што злачынства здзейсніў малады мужчына 30-36 гадоў, еўрапеоіднага тыпу, высокага росту, курэц, мяркуецца, што на левай шчацэ ў яго радзімка.

Мужчына быў апрануты ў вязаны капялюшык чорнага колеру, чорную куртку на маланцы, цёмна-шэрыя штаны. З сабой меў заплечнік чорнага колеру. Эксперты зрабілі лічбавы фотаробат падазронага.