Слуцкія ДАІшнікі распавялі ў судзе, як яны пераследавалі Менцюка

У судзе Мінскага раёна і Заслаўя ў пятніцу працягваецца разгляд справы дваіх ДАІшнікаў-арганізатараў "жывога шчыта" з легкавікоў з людзьмі ў сакавіку на трасе "Мінск-Мікашэвічы". Сёння дапытваюцца сведкі па гэтай справе. Ужо далі свае сведчанні супрацоўнікі Слуцкай Дзяржаўтаінспекцыі. Старшы інспектар лейтэнант міліцыі Аляксандр Кандраценя расказаў, што 2 сакавіка ён знаходзіўся ў аўтамабілі ў складзе групы, якая пераследавала іншамарку, што неслася ў бок Мінску з хуткасцю 160-170 км/г.

На патрабаванне спыніцца, кіроўца не толькі не спыніўся, але і павялічыў хуткасць. Кандраценя сведчыць, што адразу ж па рацыі было праведамлена пра сітуацыю ў раённы аддзел міліцыі. Таксама была надзея, што будзе аказаная дапамога з боку супрацоўнікаў Уздзенскай ДАІ, з якімі звязваліся па спецсувязі, але тыя да пераследу Менцюка не падключыліся.

Інтэрфакс