Спаўняецца 5 гадоў з дня забойства журналісткі Веранікі Чаркасавай

20 кастрычніка спаўняецца пяць гадоў з дня забойства журналісткі Веранікі Чаркасавай. З 2004 года пракуратура некалькі разоў прыпыняла і аднаўляла следства па гэтай справе, аднак забойца журналісткі дагэтуль не знойдзены. Інтэрнэт-газета "Салідарнасць", дзе Чаркасава працавала перад смерцю, спрабавала правесці ўласнае расследаванне загадкавага забойства, але не дабілася плёну.

Як паведамляе БелаПАН, Беларуская асацыяцыя журналістаў напярэдадні сумнага юбілею заснавала творчы конкурс імя Веранікі Чаркасавай.