Спецыялісты з ЕС вучаць беларускіх пагранічнікаў выяўляць фальшыўкі

Спецыялісты Еўрасаюза на працягу чатырох дзён будуць вучыць беларускіх пагранічнікаў выяўляць падробкі дакументаў. Яны азнаёмяць іх з еўрапейскім досведам ужывання комплексаў сродкаў аўтаматызацыі ў арганізацыі пагранічнага кантроля.

Таксама спецыялісты з Аўстрыі і Нідэрландаў азнаёмяць беларусаў з біяметрычнымі тэхналогіямі, якія выкарыстоўваюцца ў працэсе вырабу, персаналізацыі і кантроля дакументаў на права перасячэння мяжы.

Плануецца, што акрамя пагранічнікаў у семінары возьмуць удзел супрацоўнікі міністэрстваў замежных і ўнутраных справаў.

Інтэрфакс