Сталічная санслужба прапануе забараніць працу камерцыйных кіёскаў

Санітарная служба Мінску лічыць неабходным забараніць працу камерцыйных кіёскаў у сталіцы.
Падставай для такіх захадаў называецца незадавальняючы санітарны стан тэрыторыі вакол гандлёвых аб’ектаў. Пра гэта на нарадзе ў мэра гаварыў галоўны санітарны лекар Мінску Фёдар Германовіч.

Ён выказаў меркаванне, што кіёскі псуюць выгляд горада і яны будуць зачыненыя. Зазначым, што на цяперашні час у сталіцы працуе каля 700 камерцыйных кіёскаў.  

БДГ