Суд рыхтуецца даследаваць відэаматэрыялы са студзеньскіх акцый пратэсту

У Мінску ў судзе Цэнтральнага раёну працягваецца разгляд справы 10-ці ўдзельнікаў студзеньскіх акцый пратэсту ў сталіцы.  Ужо законачанае апытанне сведкаў з боку абвінавачання, рашэння пра допыт сведкаў з боку абвінавачваных пакуль не прынятае.

Як паведаміла Еўрарадыё праваабаронца Алена Танкачова, суд перайшоў да даследавання пісьмовых матэрыялаў справы. З іх відаць, што аператыўныя здымкі вяліся падчас вулічнай акцыі крыміналістамі МУС і аператыўнікамі КДБ. Паралельна Белтэлерадыёкампанія прадаставіла інфармацыю з відэазапісам з акцыі.