Сёння ЦВК разгледзіць скаргі, якая аспрэчваюць вынікі выбараў

Сёння Цэнтравыбаркам разгледзіць скаргу, якая аспрэчвае вынікі прэзідэнцкіх выбараў. Аб гэтым паведаміў БелаПАН  Мікалай Лазавік. Паводле яго слоў, будзе разгледжаная скарга кандыдата ў прэзідэнты Рыгора Костусева, якую ён падаў увечары 22 снежня. Костусев прасіў Цэнтрвыбаркам, каб ЦВК разглядаў яго заяву, пададзеную ў тым ліку і ад імя іншых кандыдатаў, якія зараз знаходзяцца пад арыштам.

Лазавік паведаміў, што іншыя скаргі, хутчэй за ўсё, разглядацца на паседжанні не будуць, бо яны "нізкай якасці". Гаворачы аб скарзе, пададзенай Беларускім Хельсінкскім камітэтам, Лазавік заявіў: "Падчас гэтай выбарчай кампаніі БХК скаціўся да ўзроўня студэнта-двоечніка юрыдычнага факультэта, які, здаецца, і валодае вызначанай тэрміналогіяй, але па сутнасці нічога сказаць не можа".