Таццяна Пучак прайграла ў другім крузе парнага разраду

Таццяна Пучак і Васіліса Бардзіна завяршылі выступленне на адкрытым чэмпіянаце Францыі па тэнісе — другім з чатырох турніраў "Вялікага шлема".

2 чэрвеня ў другім крузе парнага разраду (1/16 фіналу) беларусска-расійскі дуэт прайграў другой пары турніру Кары Блэк (Зімбабве) і Лізель Хубер (ПАР) — 6:7 (4:7), 1:6.

Сёння матч другога круга мужчынскага парнага разраду правядуць Максім Мірны і швед Ёнас Б'ёркман. Іх сапернікі — аўстраліец Уэйн Арчэрс і іспанец Фернанда Вердаска.

БелаПАН