Трэнер лонданскага "Чэлсі" трапіў у паліцыю

Лонданскія паліцыянты арыштавалі на кароткі тэрмін, а потым адпусцілі трэнера футбольнага клуба "Чэлсі" партугальца Жазэ Маўрынью, паведамляюць у сераду брытанскія СМІ. Супрацоўнікі паліцыі прыйшлі да трэнера дадому, каб забраць на карантын яго ёркшырскага тэр'ера, бо сабака пакідаў тэрыторыю Вялікабрытаніі, а потым вярнуўся без неабходных у падобных выпадках прышчэпак.

Маўрынью бурна выказаў сваю нязгоду, і яго затрымалі за спробу перашкодзіць дзеянням паліцыі. Партугальцу было зроблена папярэджанне, пасля чаго яго адпусцілі.

“Інтэрфакс”