У 30-гадовай жыхаркі Віцебска міліцыя знайшла нямецкі кулямёт

Корпус нямецкага кулямёта “МГ-40” часоў Другой сусветнай вайны знайшлі міліцыянты ў 30-гадовай беспрацоўнай жыхаркі Віцебска. Высветлілася, што зброю знайшоў яе грамадзянскі муж. Ён натрапіў на “рэха вайны” ў лесе каля вёскі Новае Сяло Лёзненскага раёна Віцебскай вобласці і, відаць, палічыў, што кулямёт, хоць і без затвора, спатрэбіца ў гаспадарцы.

Зараз праваахоўныя органы праводзяць праверку, інфармуе газета “Звязда”.