У Аршанскім раёне ўнук нажом спрабаваў забіць сваю бабулю
У дачыненні да 20-гадовага маладога чалавека распачалі крымінальную справу.
Як інфармуе БЕЛТА, здарэнне адбылося ў горадзе Барань. Унук 67-гадовай пенсіянеркі тры дні з сябрамі распіваў у яе доме спіртныя напоі. Калі жанчына не вытрымала і выказала сваяку ўсё, што пра яго думае, ён узяўся за нож. Зламыснік нанёс некалькі ўдараў нажом. Пацярпелая шпіталізаваная ў цэнтральную гарадскую бальніцу Оршы.
У дачыненні да маладога чалавека распачатая крымінальная справа па артыкуле "Замах на забойства". Ён знаходзіцца пад вартай.
Фота — Fotolia
