У Бабруйску афіцэр здаваў камерсантам сваіх жаўнераў напракат

Напракат здаваў сваіх жаўнераў камерсантам камандзір адной з часцей Бабруйскага гарнізона. Як паведамляе Генпракуратура, маёр па просьбе свайго знаёмага накіроўваў у яго распараджэнне вайскоўцаў для пагрузкі будаўнічых матэрыялаў. За танную рабсілу афіцэр атрымаў ад удзячнага бізнэсмена “ганарар” у памеры 100 тысяч рублёў.

І такіх выпадкаў было нямала. Жаўнеры працавалі і на пагрузцы-разгрузцы садавіны ў адной з бабруйскіх фірмаў.

За злоўжыванне ўладай міжгарнізонны суд прыгаварыў афіцэра да 3 месяцаў арышту. Яго звольнілі з Узброеных Сілаў Беларусі, інфармуе газета “Звязда”.