У Баранавічах 21-гадовага хлопца выселілі на вуліцу
Нагодай для такога пакарання сталі запазычанасці па камунальных паслугах.
Год таму хлопцу адключылі ўсе камунальныя паслугі, бо ён іх не аплочваў. А днямі за шматмільённыя пазыкі яго праз суд увогуле выселілі з кватэры без прадстаўлення іншага жытла. Двухпакаёвую кватэру ён не прыватызоўваў.
Па словах суседзяў, хлопец ператварыў жытло ў свінарнік. На момант высялення гаспадара не было дома — ён не з’яўляўся ў кватэры з Новага года.
