У Беларусі правядуць вайсковую аперацыю супраць “дыверсантаў" і "бандытаў"

Буйнамасштабнае камандна-штабное вайсковае вучэнне пройдзе ў Беларусі 5-10 кастрычніка. Паводле інфармацыі прэс-службы Міністэрства абароны, яго мэтай з’яўляецца “ практычная адпрацоўка войскамі абароны суверэнітэта, тэрытарыяльнай цэласнасці і недатыкальнасці межаў Беларусі”.

Беларускае войска будзе ўдасканальваць свае навыкі ліквідацыі дэсантна-дыверсійных атрадаў і незаконных узброеных фармаванняў на тэрыторыі нашай краіны.

У вучэнні прымуць удзел каля 7500 вайскоўцаў (з іх 850 чалавек будуць прызваныя з запасу), больш за 1000 адзінак бронетанкавай і аўтамабільнай тэхнікі, 16 самалётаў і верталётаў.

Вайсковыя аперацыі будуць адпрацоўвацца каля мяжы з Літвой, на тэрыторыі Гродзенскай, Мінскай і Віцебскай абласцей.

Інтэрфакс