У Беларусі з 18 снежня будзе ўзмоцнена ахова лясных елак

Напярэдадні навагодніх святаў будзе ўзмоцнена ахова ляснога фонду, паведаміла прэс-служба Міністэрства лясной гаспадаркі, перадае БелаПАН.

Кантралюючыя органы будуць рэгулярна праводзіць аператыўныя рэйдавыя мерапрыемствы па выяўленні і прыцягненні да адказнасці грамадзян, якія незаконна высякаюць навагоднія дрэвы.

Узмоцненыя рэйдавыя мерапрыемствы пачнуцца 18 снежня і будуць доўжыцца да заканчэння навагодніх і калядных святаў. На аўтадарогах будзе выстаўлена каля 200 кантрольных пастоў.

Незаконнае высяканне елкі будзе каштаваць ад 700 да 1 мільёна 750 тысяч рублёў.