У Беларусі змяняюцца тэрміны выплаты некаторых падаткаў і збораў

Тэрміны выплаты некаторых падаткаў, збораў і арэнднай платы, а таксама падачы падаткавых дэкларацый (разлікаў) змяняюцца ў Беларусі з 1 красавіка. Адпаведны ўказ падпісаў Аляксандр Лукашэнка. У адпаведнасці з ім, устанаўліваюцца тэрміны аплаты арганізацыямі зямельнага падатку і арэнднай платы за зямельныя ўчасткі, якія знаходзяцца ў дзяржаўнай уласнасці, падатку на нерухомасць, збору ў рэспубліканскі фонд падтрымкі вытворцаў сельгаспрадукцыі, харчавання і аграрнай навукі, а таксама экалагічнага падатку.

Таксама вызначаны тэрміны падачы падаткавых дэкларацый па гэтых выплатах.

БЕЛТА