У Беларусі з’явяцца шчасліўчыкі, якіх вызваляць ад падатковага кантролю

У Беларусі плануецца ўвесці прынцып “крэдыту падатковага даверу”. Міністэрства па падатках і зборах нашай краіны распрацоўвае праект адпаведнай пастановы прэзідэнта, асноўная мэта якой адабраць па пэўных крытэрах дабрасумленных плацельшчыкаў і вызваліць іх ад падатковага кантролю.

Праўда, гэтым шчасліўчыкам трэба будзе выканаць пэўныя ўмовы. Напрыклад, у іх лік могуць трапіць прадпрыемствы, якія з году ў год не зніжаюць удзельнай вагі плацяжоў, праходзяць праверку рэвізійных і аўдытарскіх службаў.

На працягу 5 гадоў іх не будуць турбаваць праверкі падатковых органаў, калі толькі гэтага не пажадае кіраўнік дзяржавы.

Інтэрфакс