У фінале Кубка Беларусі па хакеі згуляюць “Керамін” і “Гомель”

Матчамі дзевятага тура 23 жніўня завяршыўся групавы этап розыгрышу Кубка Беларусі па хакеі.
Першыя ачкі страціў мінскі "Керамін", які датэрмінова забяспечыў сабе першае месца і выхад у фінал, — 3:3 супраць магілёўскага "Хімвалакна".

Другі фіналіст, "Гомель", які таксама не меў у апошнім туры турнірнай матывацыі, прайграў у Жлобіне "Металургу" — 4:5.

Астатнія вынікі:

"Брэст" — "Нёман" (Гродна) - 0:2;
"Віцебск" — "Хімік-СКА" (Наваполацк) - 5:3;
"Дынама" (Мінск) — "Юнацтва" (Мінск) - 3:5.

Выніковае становішча каманд:

"Керамін" - 25 ачкоў,
"Гомель" - 21,
"Юнацтва" -19,
"Хімвалакно",
"Металург" - па 16,
"Нёман" - 10,
"Віцебск",
"Хімік-СКА" - па 9,
"Дынама" - 5,
"Брэст" - 1.

Фінальны матч паміж "Керамінам" і "Гомелем" пройдзе 26 жніўня ў Мінску.

БелаПАН