У Гомелі гарэла фанерна-запалкавая фабрыка (фота)

Гарэў дах фанернага цэху, які не эксплуатаваўся. Там з сакавіка ішлі рамонтныя працы. Пажар тушыла пажарная дружына прадпрыемства, да якой далучыліся выратавальнікі. У выніку, агонь пашкодзіў дах на плошчы 20 метраў квадратных.

На момант узгарання людзей у цэху не было. Мяркуецца, што прычынай пажару стала парушэнне правілаў пажарнай бяспекі падчас правядзення агнявых работ, інфармуе прэс-служба МНС.

Адзначым, што фабрыка адносіцца да прадпрыемства "Гомельдрэў".

Фота — mchs.gov.by