У Гомелі рэйсавы аўтобус збіў мужчыну на пешаходным пераходзе
Пацярпелы атрымаў шматлікія траўмы і быў шпіталізаваны.
У Гомелі рэйсавы пасажырскі аўтобус збіў 62-гадовага мужчыну на пешаходным пераходзе. Здарэнне адбылося ў панядзелак у 16.30. БЕЛТА адзначае, што мужчына пераходзіў вуліцу на зялёнае святло.
Пешаход атрымаў цялесныя пашкоджанні рознай ступені цяжкасці, у тым ліку закрытую чэрапна-мазгавую траўму. Яго шпіталізавалі ў нейрахірургічнае аддзяленне Гомельскай абласной клінічнай бальніцы.
Аўтобусам кіраваў 56-гадовы мужчына. Праводзіцца расследаванне.
Фота: Fotolia
