У Гомелі затрымалі школьніка з каністрай — катаўся на чужых машынах
Спачатку каля аднаго з рынкаў 16-гадовы хлопец скраў Fiat, які пазней пакінуў. Пасля ў іншым раёне горада знік аўтамабіль "ВАЗ".
Міліцыянты атрымалі інфармацыю ад сведак, што дзейнічае падлетак. Позна ўначы адзін з нарадаў затрымаў дваіх хлопцаў — у руках аднаго з іх была каністра, а пасля знайшлася і скрадзеная аўтамагнітола.
Вучань 9-га класа адной з гомельскіх школ прызнаўся, што гэта ён браў чужыя аўтамабілі. Высветлілася, што сёлета яго ўжо тройчы судзілі за крадзяжы. Хлопца ўзялі пад варту, правяраецца яго дачыненне да іншых злачынстваў, паведамляе прэс-служба гомельскай абласной міліцыі.
