У Гродна сёння працягнецца разгляд справы Кацярыны Герасімчык
Студэнтку 5-га курса гродзенскага медуніверсітэта вінавацяць у тым, што яна 12 лютага ўначы нібыта зрабіла надпіс "Луку на муку" на помніку Леніна ў Гродне.
Сама Кацярына Герасімчык не прызнае сваёй віны.
Сяброўка Кацярыны Вольга Багданкевіч засведчыла ў судзе, што яна падняліся на пастамент толькі дзеля таго, каб паглядзець, што там напісана. Побач з помнікам ляжаў балончык ад фарбы. Кацярына Герасімчык падабрала яго і паклала ў сваю торбу, гэтым самым пакінуўшы на ім свае адбіткі пальцаў, паведамляе Радыё Свабода.
