У гродзенскім заапарку аленя закармілі вопраткай да смерці

Скарга на жорсткае абыходжанне з жывёламі ў гродзенскім заапарку паступіла ў абласную пракуратуру. Здарылася гэта пасля таго, як на экскурсіі пабывала жыхарка сталіцы.
Прадстаўнікі грамадскага аб’яднання абароны жывёлаў “Зоосвет” пішуць, што супрацоўнікі заапарка парушаюць беларускае заканадаўства.

Прыкладам, хворая тыгрыца стала падобная да вязня канцлагера. Кіраўніцтва заапарку тлумачаць сітуацыю тым, што жывёлы адмаўляюцца прымаць лекі і не хочуць сядзець на дыеце.

Акрамя таго, “дапамагаюць” наведвальнікі, якія кормяць іх прадуктамі, што забаронена даваць жывёлам. Напрыклад, у страўніку самкі аленя знайшлі дзіцячыя рукавічкі, скураную пальчатку, шалік і два поліэтыленавых пакеты.

Вечерний Гродно