У Калінкавіцкім раёне на пажары загінула двухгадовая дзяўчынка
Яе пакінулі ў доме без дагляду.
Двухгадовая дзяўчынка загінула на пажары ў вёсцы Заполле Калінкавіцкага раёна. На момант узгарання дзіця засталося дома без нагляду: яе 25-гадовая маці патлумачыла, што выйшла па ваду да калодзежа. Калі маладая жанчына вярнулася, то ўбачыла, што з вокнаў ідзе дым. Яна забегла ў дом і вынесла адтуль дзіця.
Дзяўчынка атрымала апёкі 1-3 ступені 40% цела. Яе даставілі ў лякарню, дзе яна сканала ў рэанімацыйным аддзяленні.
Пажар знішчыў дах дома, столь, пашкодзіў сцены і маёмасць. Прычыны ўзгарання высвятляюцца, паведамляе прэс-служба МНС.
