У Камянецкім раёне пенсіянеры паверылі, што беларускія грошы… адмяняюцца

Двух жанчын-махлярак абвесціла ў вышук міліцыя ў Камянецкім раёне Брэсцкай вобласці.  Яны абрабавалі пенсіянераў у вёсцы Смольнікі. Жанчыны наведалі старых пад выглядам сацыяльных працаўнікоў і пераканалі абмяняць беларускія рублі на расійскія.

Махляркі паведамілі пенсіянерам, што беларускія грошы неўзабаве адменяць з-за “аб’яднання Беларусі і Расіі”.

У выніку яны атрымалі 1 мільён 200 тысяч рублёў, нібыта, для абмену ў бліжэйшым банку і зніклі, паведамляе газета “Рэспубліка”.