У Крычаве ў краме выявілі фальшывыя 100-тысячныя купюры
Былі затрыманыя двое мясцовых жыхароў.
У Крычаве ў краме затрымалі дваіх мясцовых жыхароў, якія спрабавалі збыць фальшывую 100-тысячную купюру. Міліцыянерам яны сказалі, што атрымалі яе ад нейкай трэцяй асобы. Падчас пераліку выручкі згаданай крамы былі знойдзеныя яшчэ 7 аналагічных фальшывых купюр.
Распачатая крымінальная справа. Па месцы жыхарства аднаго з падазраваных праваахоўнікі забралі камп'ютар і мабільны тэлефон, інфармуе прэс-служба МУС.
Дарэчы, на працягу апошніх сутак у Мінску і Магілёве былі выяўленыя тры фальшывыя 100-доларавыя купюры.
Фота — sb.by
