У Лельчыцкім раёне тры чалавекі пацярпелі ад узгарання грузавіка (фота)
Яны атрымалі апёкі 50-60% цела.
Грузавік з фургонам загарэўся ў вёсцы Сімонічы Лельчыцкага раёна. Паведамленне пра здарэнне паступіла ў дзяжурную частку МНС у суботу ўдзень. Выратавальнікі аператыўна прыбылі на месца і ліквідавані ўзгаранне.
Агонь знішчыў два пярэднія колы, пашкодзіў кабіну і фургон. Тры чалавекі атрымалі сур’ёзныя траўмы — пацярпелыя дастаўленыя ў лякарню з апёкамі 2-3 ступені, у іх абгарэла 50-60% цела, а таксама ёсць тэрма-інгаляцыйныя траўмы.
Прычына пажару ўдакладняецца, паведамляе прэс-служба МНС.
