У Магілёве звалілася заводская труба (відэа)
Падзенне трубы зняў на відэарэгістратар адзін з аўтааматараў.
Як паведамляе сайт gorad.by, труба абвалілася 29 красавіка на тэрыторыі Магілёўскага завода штучнага валакна.
Кіраўніцтва "Магілёўхімвалакно", аднак, абвяргае аварыю. Намеснік гендырэктара па капітальным будаўніцтве Станіслаў Кавалёў кажа, што труба дэмантуецца і яе частка была спушчаная на лябёдцы. Неўзабаве яна будзе разабрана цалкам. Па словах Кавалёва, неабходнасць у трубе адпала, бо лініі, якую яна абслугоўвала, больш няма.
