У Мастоўскім раёне загінула каля дзвюх тысяч гектараў лесу

Каля дзвюх тысяч гектараў лесу загінула ў Мастоўскім раёне. Спецыялісты кажуць пра пагрозу экалагічнай катастрофы. Яны сцвярджаюць, што яе прычынай можа стаць мясцовы жывёлагадоўчы комплекс "Каўшова". Яго сцёчныя воды і знішчаюць лес. Такую выснову папярэдне зрабіла спецыяльная камісія з Мінска, якая правяла біялагічную экспертызу.

Справай ужо зацікавілася пракуратура. Калі віна гаспадаркі будзе даказаная, штрафныя санкцыі складуць больш за 150 мільёнаў рублёў, адзначае тэлеканал СТВ.