У мінскім парку Горкага адкрыты музей пажарнай тэхнікі

У Мінску праходзіць святкаванне Дня пажарнай службы.  Раніцай 28 ліпеня па праспекце Незалежнасці прайшоў парад з удзелам тэхнікі Міністэрства па надзвычайных сітуацыях і духавога аркестра. Пасля святкаванне перамясцілася ў сталічны парк Горкага.

Ён сёння пераўтварыўся ў своеасаблівы музей пад адкрытым небам. МНС сабрала там для дэманстрацыі мінчукам і гасцям горада ўзоры пажарнай тэхнікі ад пачатку ХХ стагоддзя да найноўшых машынаў.

Чакаецца, што ў парку адбудзецца выступленне сабак-выратавальнікаў, таксама пройдзе конкурс для дзяцей і дарослых, паведамляе Першы канал.