У Мінску каля ратушы з’явіцца кветкавы гадзіннік

Кветкавы гадзіннік неўзабаве з’явіцца ў Мінску на плошчы каля ратушы. Такі падарунак да Дня горада рыхтуюць спецыялісты прадпрыемства “Мінскзеленбуд”.  Гадзіннікавы механізм будзе ўсталяваны на бетоннай падушцы. Яго закрыюць спецыяльнымі кратамі. Каб не ствараліся перашкоды ў руху стрэлак цыферблата, расліны былі выбраныя нізкарослыя: бягонія і цынерарыя.

Мантажныя працы і высадка кветак будуць завершаныя бліжэйшымі днямі. Дарэчы, падобныя хранометры ёсць у многіх гарадах Еўропы, паведамляе газета “Минский курьер”.