У Мінску п'яны мужчына скакаў па машынах — 8 аўтамабіляў пашкоджаныя
Здарэнне адбылося ўначы ў раёне вуліцы Арлоўскай.
Сведкі выклікалі міліцыю, якая па атрыманых прыкметах затрымала ў суседнім двары маладога чалавека. Хуліганам аказаўся 22-гадовы мінчук, які раней ужо трапляў за краты. Напярэдадні ён непадалёку распіваў з сябрамі алкагольныя напоі, а пасля пачаў граміць чужыя аўтамабілі.
Дзеянням затрыманага цяпер даецца прававая ацэнка, адзначае прэс-служба сталічнай міліцыі.
Фота — ria.ru
