У набажэнствах з нагоды Раства ўдзельнічала 77 тысяч беларусаў

Больш за 77 тысяч чалавек па ўсёй Беларусі прынялі ўдзел у набажэнствах з нагоды Раства Хрыстова. Гэтыя звесткі са спасылкай на Ўпраўленне інфармацыі і грамадскіх сувязяў Міністэрства ўнутраных спраў распаўсюджвае агенцтва “БелаПАН”. А вось і больш сумная статыстыка 25 снежня. Сёлета ў гэты дзень зарэгістравана 324 злачынствы, у тым ліку адно забойства на бытавой глебе ў Гомельскім раёне. Адбылося чатыры дарожна-транспартных здарэнні, у выніку якіх чатыры чалавека загінулі, адзін — паранены.

На сталічным рынку Ждановічы за мінулы дзень супрацоўнікі праваахоўных органаў канфіскавалі 28 тысяч адзінак нелегальнай піратэхнікі.