У Нясвіжскай гімназіі знайшлі гранату і эвакуявалі 249 чалавек
З Нясвіжскай гімназіі 28 верасня эвакуявалі 249 чалавек. Прычынай такой масавай эвакуацыі стала знойдзеная граната, як паведамляюць у Мінскім абласным упраўленні МНС.
Небяспечную знаходку часоў Другой сусветнай вайны выявілі прыкладна апоўдні пры рамонтна-будаўнічых работах у сутарэнні гімназіі.
Адміністрацыя гімназіі разам з міліцыянтамі вывелі з будынка 217 навучэнцаў і 32 работнікаў установы.
Знойдзеную гранату забрала група размініравання для знішчэння.
Фота: guns.ru
