У Нясвіжы ў міліцэйскім пастарунку ўтрымліваюць Насту Азарку

Праваахоўныя органы ў рэгіёнах выконваюць загад пра недапушчэнне ўдзелу мясцовых актывістаў у апазіцыйнай акцыі "Еўрапейскі марш", якая сёння пройдзе ў Мінску. Затрыманні, папярэджанні, выклікі ў міліцыю, аблогі дамоў - гэта рэаліі апошніх дзён.

Паводле апошніх звестак, у Нясвіжы затрымалі моладзевую актывістку Насту Азарку. Яна паспела паведаміць Радыё Свабода, што знаходзіцца ў раённым аддзеле міліцыі.