У Падмаскоўі п'яны кіроўца застрэліў двух супрацоўнікаў ДПС
Здарэнне адбылося ў ноч з нядзелі на панядзелак.
Нарад дарожнай паліцыі перастаў выходзіць на сувязь з дзяжурным каля паўночы нядзелі. Падчас патрулявання мясцовасці машыну паліцэйскіх знайшлі ў раёне вёскі Перапечына Солнечнагорскага раёна на ўзбочыне дарогі. Абодва паліцэйскія былі застрэленыя: адзін з іх сядзеў на сядзенні кіроўцы, другі — на заднім пасажырскім.
Паліцыянты былі забітыя, калі складалі пратакол на кіроўцу аўтамабіля УАЗ за кіраванне транспартным сродкам у нецвярозым выглядзе. Дарэчы, сам не да канца запоўнены пратакол застаўся ў руках аднаго з забітых, адзначае РБК.
Кіроўцу УАЗа і яго машыну абвясцілі ў вышук.
Фота — photo.99px.ru
