У Пінску на дарогу зваліўся вежавы кран, ніхто не пацярпеў

Вежавы кран упаў на дарогу ў Пінску на вуліцы Брэсцкай, адной з самых ажыўленых аўтатрасаў горада.  Гэта адбылося з-за няўдалага манёўра кіроўцы падчас перавозкі пад’ёмніка да новай будаўнічай пляцоўкі. У выніку, рух аўтатранспарту па вуліцы быў абмежаваны. Толькі праз чатыры гадзіны кран удалося прыбраць з дарогі. Падчас здарэння ніхто не пацярпеў.

Глеб Паўлоўскі, Еўрарадыё, Пінск