У Рэчыцы 8-гадовы хлопчык напароўся рукой на металічны плот
Ён няўдала спрабаваў праз яго пералезці. У выніку спатрэбілася дапамога выратавальнікаў.
Увечары 10 студзеня ў Рэчыцы 8-гадовы хлопчык напароўся рукой на металічны плот. Ён няўдала спрабаваў пералезці праз яго. У выніку спатрэбілася дапамога выратавальнікаў і медыкаў.
Супрацоўнікі МНС з дапамогай спецінструментаў вызвалілі руку хлопчыка — адрэзалі металічны прут ад плота. У бальніцы яго выдалілі з рукі ды наклалі швы. Пасля аказання меддапамогі хлопчыка адпусцілі дахаты, інфармуе прэс-служба МНС.
Фота — МНС
