У Шчучыне пяцігадовая дзяўчынка выпала з чацвёртага паверху
Медыкі не здолелі выратаваць жыццё дзіцяці.
У Шчучыне супрацоўнікі Следчага камітэта праводзяць праверку па факце смерці малалетняй дзяўчынкі.
Здарэнне адбылося ўвечары 3 траўня. На тратуары каля жылога дома пабачылі 5-гадовую дзяўчынку. На месца падзеяў аператыўна прыбылі медыкі, якія даставілі яе ў лякарню. Аднак выратаваць жыццё дзіцяці не ўдалося.
Выявілася, што дзяўчынка выпала з чацвёртага паверху жылога дома. Бацькі пакінулі адну ў кватэры на 15 хвілінаў.
Для выяўлення прычыны смерці прызначаная судова-медыцынская экспертыза.
Падчас праверкі таксама дадуць прававую ацэнку дзеянням бацькоў і выявяць усе акалічнасці здарэння.
Фота — kp.by
